Gainera, hiru egunetan zehar, programa zabala izango da, hala nola erakusketak, argitalpenen aurkezpenak, hitzaldiak, mahai-inguruak, tailerrak, autoreen sinaketak, rol jokoak eta zinema-emanaldiak. Komiki Aretoko ordutegia ondokoa da: goizeko 11:00etatik 14:30ak arte eta arratsaldeko 17:00etatik 21:00ak arte.
Antolaturiko erakusketen artean, MAXen obrari dedikatuko dio haietako bat antolakuntzak; MAX bera izan da aurtengo edizioko kartelaren egilea. Gainera, "Star Wars" pelikulen sortari eskainitako erakusketa bat ere izango da ikusgai, George Lucasen filmeekin loturiko materialarekin. Mangari buruzko beste erakusketa bat ere izango da.
Bestalde, hitzaldi eta mahai-inguruetan, manga, "Star Wars" unibertsoa edo komikiaren lengoaia bezalako gaiak jorratuko dira. Komikiaren lengoaiari buruz arituko da Bryan Talbot autore britainiarra. Carlos Gimenez, Peter Gross edo Mike Carey komikilariekin topaketak izango dira, beren lan, ibilbide artistiko eta esperientzia pertsonalek bisitariei helarazteko.
Zine-emanaldiei dagokienez, Anime, fikziozko film labur, dokumental, lan multimedia eta animaziozko filmeen zikloak egingo dira, guztiak ere komikiaren munduarekin lotuak. Rol jokoak, mozorro lehiaketa, karaokea, efektu berezien eta makillaje tailerrak eta beste hainbat jarduera egingo dira aretoan.
Mike Carey, Carla Berrocal, Victor Santos eta Bernet komikilari ospetsuak izango dira Getxoko Komiki Azokan
2004ko abe. 3a, 22:11
Getxoko III. Komiki Azoka hasteko astebete geratzen denean, parte hartuko duten autoreen zerrenda hazten doa. Horrela, Carlos Gimenez, Bryan Talbot, Peter Gross eta MAXen presentzia baieztatuta bazegoen, Mike Carey, Carla Berrocal, Victor Santos, Bernet, Oscar Nebreda, J.L. Martin, Enrique V. Vegas eta Andres G. Leiva komikilariak ere Getxora hurbilduko direla egiaztatu dute antolatzaileek. Komiki Aretoaren hirugarren edizioa abenduaren 10etik 12ra bitartean egingo da, Areetako Xake plazan, 2.500 metro koadroko karpa baten azpian. Esparruak zonalde komertzial bat izango du, denda, liburudenda espezializatu, argitaletxe eta fanzineen 60 bat erakusgunerekin.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun