Gaur eta bihar Espainiako Auzitegi Nazionalean duen epaiketan, Madrilen 1994ko maiatzaren 23an gertatu zen beste ekintza bat (aurreko epaiketarenaren data berean) leporatu nahi diote. Ekintza honetan Miguel Peralta Utrera Lur-Armadako tenientearen (gaur egun kapitaina omen) kontra kotxearen azpian, lehergailu bat ipini zuten, eta horren ondorioz hilda gertatu zen.
Aurrekoan bezala, oraingoan ere akusazioak duen oinarri nagusiak dira, batetik, atxilotu batek guardia zibilaren eskuetan 5 egunetan izanik egindako deklarazioak, nahiz eta gero epailearen aurrean dena ukatu eta torturak salatu. Eta bestetik, Muni estatu frantsesean atxilotu zutenean aldean omen zeramatzan diskete batzuk, ekintza horren nondik norakoak agertzen dituztenak.
Estradizio zabalpenak
Bestalde, abenduaren 8an eta 15ean bi bista izango ditu Parisen. Biak dira estradizio zabalpenak. Lehena Madrilen FNAC izeneko komertziogunearen kontra ipinitako auto-bonba batengatik eta bigarrena Aznarren kontra egindako ekintzarengatik.
Aipatzekoa da, estradizio zabalpen hauek eskatzeko duten oinarri bakarra Muni atxilotu zuten operazioan atzemandako diskette batzuk direla, barruan zuten ekintza hauen deskribapenengatik. Beraz, bitxia da, 1995ean izandako operazio polizial batean harrapatutako materiala erabili ez izana harik eta Muni espainaratua izan artean. Horren ondorioz, Munik ez du aukerarik izango fisikoki agertzeko Pariseko Auzitegiaren aurrean, eta horrek presoaren defentsagabezia dakar.
MUNI ASKATU!
Oihua
Uribe Kostako Amnistiaren Aldeko Mugimenduaren agerkari elektronikoa
e-posta: oihua@barrutik.org
http://oihua.webgune.net
Gaur eta bihar du epaiketa Albaro Arrik
2004ko abe. 9a, 19:25
Albaro Arri "Muni" Algortako preso politikoak epaiketa dauka gaur eta bihar (abenduaren 9 eta 10ean) Espainiako Auzitegi Nazionalean. Fiskalak 30 urteko espetxe zigorra eskatzen dio Madrilen 1994ko maiatzaren 23an izandako ekintza bat berari leporatuta. Bestalde, Parisen estradizio zabalpen bista bi ere ditu hil honetan.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun