Azokak iraun duen hiru egunetan zehar salmentak handiak izan direla adierazi dute antolatzaileek, bereziki erakusguneen aniztasunari esker, aurten ehuneko 10 igo baita aipatu guneen kopurua. Gainera, Glenat, Saure, Recerca edo Astiberri bezalako argitaletxeek beren berritasunak aurkeztu dituzte, publikoaren harrera bikaina jasoz.
Zaletuek gehien espero zuten unea, ordea, sektoreko autore ospetsuekin izandako topaketak izan ziren. Horrela, Peter Gross, Mike Carey, Bryan Talbot, Carlos Gimenez, Max, Bernet, Oscar Nebreda, J.L. Martin, Carla Berrocal, Victor Santos, Andres G. Leiva, Pau, Olga Carmona eta Kenny Ruiz igaro dira Getxotik, besteak beste.
Erakusketek ere toki garrantzitsua izan dute aurtengo edizioan. Horrela, mangari eta anime zineari dedikaturiko "Made in Japan", "Star Wars" eta Max marrazkilariaren ibilbideari eskainitako erakusketa izan dira bisitatuenak.
Getxoko III. Komiki Azokak 12.000 bisitari izan ditu
2004ko abe. 13a, 22:39
Atzo bukatu zen Getxoko Komiki Azokaren hirugarren edizioa eta antolatzaileek balorazio oso positiboa egin dute. Azken hiru egunetan zehar 12.000 bisitari jaso ditu azoka getxoarrak, iazko edizioan baino ehuneko 20 gehiago, hain zuzen ere. Getxoko Kultur Etxetik jakinarazi dutenez, Areetako Xake Plazan kokaturiko 2.500 metro koadroko karpak, establezimendu, liburudenda espezializatu, argitaletxe, fanzine, banatzaile eta komikiaren munduarekin loturiko sektoreetako 60 erakusgune inguru bildu ditu. Horretaz guztiaz gainera, azokak jarduera ugari eskaini ditu bere egitarauan, hala nola erakusketak, zine-emanaldiak, mahai-inguruak eta autore ospetsuen partaidetza.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun