Garapen Lankidetzarako Arloaren barruan, hondamendiek, izurriteek, gerrek eta abarrek sortutako kalteak arintzeko izaten dira larrialdiko dirulaguntzak.
Ezohizko dirulaguntzak
Ezohizko dirulaguntzen atalean, 15.000 euro emango dizkiete Algortako Trinitarioei entzumen urritasuna duen Kolonbiako neskato bati ebakuntza egiteko eta beste 550 euro Errusiako haurrak oporraldietan ekartzen dituen Bikarte Elkarteari, bere egunean haur bat ekarri baina dirulaguntza eskatu ez zuen familia baten eskaerari erantzuteko.
Mota honetako laguntzak Garapen Lankidetzarako Arloak normalean aurrera eramaten dituen jokaeretatik kanpoko ekitaldetarako izaten dira.
Getxoko Udalak 87.550 euro emango ditu hainbat herrialdetako larrialdi egoera arintzeko
2004ko abe. 16a, 11:55
Euskal Udalerrien Elkarteak (EUDEL) bultzatutako proiektuaren bidez Haitin eta Errepublika Dominikarrean duela hilabete batzuk uholdeek eragindakoari aurre egiten laguntzeko, "Piztu Itxaropena" karabana solidariorako biltzen ari diren jakiak Saharara eramateko kamioia erosteko, Harresiak Apurtuz koordinakundeak Maroko iparraldean bizi den bereber herriari lagun diezaion eta PTM-Mundu Batek Charley hurakanak kaltetutako La Habanako (Kuba) herritarrak lagun ditzan 18.000 euro bana ematea erabaki du Getxoko Gobernu Batzarrak.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun