Berriro ere, indarrak batu dituzte Bizkaiko Foru Aldundiak eta BBKk lurraldeko hainbat udalerritan berrituak izan behar diren kirol instalazioetarako edota esparru horretan azpiegitura berriak egin ahal izateko. Belen Greaves Kultura diputatuak azpimarratu duenez, "berebizikoa da aipatu elkarlana, Bizkaian kirol instalazio sare egokia eduki ahal izateko".
Gainera, jakinarazi dutenez, 2004tik aurrera mota guztietako azpiegituretara bideratuko dituzte diru-laguntzak eta egitasmoen kostuari dagokionez ez gutxieneko diru mugarik egongo. Horrela, are errazago izango dute herri txikienek, dagoeneko badauden instalazio eta azpiegituretan ere beharrezkoak diren ekipamenduak jarri ahal izango direlako.
Bizkaiko Foru Aldundiak, Bilbao Bizkaia Kutxak eta Bahitetxeak lurraldeko kirol instalazioetan egingo diren inbertsioen berri eman dute gaur. Guztira, 2004an hiru milioi euro bideratuko dituzte 24 egitasmo diruz laguntzeko. Horien artean, Sopelako futbol zelaia hobetzeko lanak egingo dira, horretarako 19.986 euro emango dutelarik (aurrekontua 29.980 eurotakoa zen arren).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun