Jose Antonio Agirre 1904ko martxoaren 6an jaio zen Bilbon. 1936ko urriaren 7an lehendakari izendatu zuten eta lehenengo Eusko Jaurlaritza eratu zuen Herri Frontea osatzen zuten alderdietako ordezkariekin: Alderdi Sozialista, Alderdi Komunista, Ezkerra Errepublikanoaren Alderdia, Eusko Abertzale Ekintza (EAE) eta Euzko Alderdi Jeltzalea (EAJ).
Kirolari handia izan zen, eta arraunean, pilotan eta, bereziki, futbolan aritu zen. Horrela, lau denboralditan jokatu zuen Athleticen, 1922tik 1926ra bitartean, alegia.
Horretaz gain, Getxo udalerriko alkate izan zen.
Agirre lehendakaria izan zena omenduko du Athleticek
2004ko abe. 21a, 11:13
Athleticek bat egingo du Jose Antonio Agirre Eusko Jaurlaritzako lehen lehendakariaren jaiotzaren mendeurrena ospatzeko ekitaldiekin, eta omenaldi xumea egingo dio asteazkenean, San Mamesen jokatuko duen partidan, taldeko jokalaria ere izan zenari. Horrela, alde batetik, Fernando Lamikiz Athleticeko presidenteak 'Euskadi' hitza daraman taldearen elastikoa emango dio Agirreren familiari Mallorcaren aurkako norgehiagoka hasi aurretik. Gainera, San Mamesera hurbiltzen diren bazkide eta zaletuek oroitzapenezko sarrera bat jasoko dute, non Agirre lehendakaria agertzen den taldearen kamisetarekin.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun