Bertara gaur goizean egindako bisitan, Fadurakoa “ezaugarri hauetako Euskadiko igerilekurik handiena" dela adierazi du Guzman Aranaga Getxo Kirolen presidenteak. Estalpeko 1.977 metro koadroko gunea eta 1,40 metrotara dago hondoa. "Edozeinek igeri egin dezake inolako arriskurik gabe”, udal arduradunak aipatu duenez. Gainera, argiztapen sistema artifiziala dauka iluntzetan ere erabili ahal izateko eta, era berean, elbarrituentzako aulkia dauka, "Getxoko Udalaren Irisgarritasun Planan ezarritako irizpideak betetzeko".
Gaiaren inguruko berriak:
EAEko igerileku estali handiena izango du Getxok udaberritik aurrera (2004 Abe 21)
Larunbatean zabalduko dute Faduran, estali daitekeen EAEko igerilekurik handiena
Guzman Aranaga Getxoko Udaleko Kultura eta Kirol zinegotziak aurreratu duenez, larunbatetik aurrera erabili ahal izango da Fadura Udal Kiroldegian, "estali daitekeen Euskadiko igerilekurik handiena". Urrutiko aginte baten bitartez ireki eta itxi egiten den estalkia dauka eguraldi txarra dagoenean ere bertan igeri egin ahal izateko, bost bat minutu irauten du operazio horrek. Anemometroa ere badauka, haizearen abiadura neurtzen duen aparailua alegia. Hain zuzen ere, haizeak 35 kilometro orduko abiadura gainditzen duenean estalkia berez ixten da bost orduz. Sistema honek, hortaz, neurri olinpikoak (50x21,5x1,40 metro) dituen igeritokia neguan zein udan erabiltzea ahalbidetuko du. Alboak ixteko, berriz, akordeoi erako ateak ditu. Eskuz ixten dira horiek. Gainera, 1.200 metro koadroko berdegunea dauka instalazioak, udaldian zehar bertara doazenek erabiltzeko. Getxo Kiroletako bazkideek datorren astelehenetik aurrera euroko 50 zentimo ordaindu beharko dute kanpoko igerilekua erabiltzeko. Estalkia ireki eta ixteko sistema ipintzeko lanek 600.000 euroko kostua izan dute. (Argazkian, estalkia jartzeko lanak egiten ari zirela).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun