Eduardo Andrade zinegotzi popularrak azaldutakoaren arabera, "diru-sarrera arruntak baino gehiago dira gastuak eta horrek aurrezte garbia gutxitzea dakar". Andradek gaineratu duenez, "hiru urtez luzatuko den onbideratze plana martxan jartzera behartzen du horrek, baita Bizkaiko Foru Aldundiak berak Udalak egiten dituen inbertsioak ikuskatu eta horiei betoa jartzeko ahalmena izatera ere".
Iñaki Zarraoa alkateak berak gastu arruntak handitu egin direla aitortu du, kirol instalazioen mantentze-lanetan eta zaborren tratamenduan gehienbat. Hala ere, "neurriz gaineko zorpea" ez dutela sortu nahi izan gaineratu du.
Biharko udal batzarrean eztabaidatuak eta bozkatuak izango diren 2005eko Getxoko udal aurrekontuen osotasunari zuzenketa aurkeztuko diola jakinarazi du gaur PSE-EEko tokiko taldeak. "Herritarren bizitza kalitatea hobetzeko eta udalerriari bultzada ekonomikoa eman diezaioketen ekimenak garatzeko, EAJk, EAk eta EB-Berdeak taldeek osatzen duten udal gobernuaren ezintasunaren eredu dira" sozialisten hitzetan. Are gehiago, "zorrotzatzat eta kontserbadoretzat" jo dituzte. Getxoko PPk, berriz, zatikako 80 zuzenketa inguru aurkeztuko dizkie aurrekontuei, euren hitzetan, Aurrekontuen Egonkortasunaren Legea betetzen ez dutelako.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun