Metro Bilbaok prentsa-ohar bidez adierazi duenez, trenak goizaldeko ordu batetan hasiko dira ibiltzen, eta urte berriaren etorrera ospatuko duten 60.000 bat lagunen mugitzeko beharrak beteko dituzte.
Hiruak arte 5 minuturo ibiliko dira metroak tarte amankomunean (Bolueta-San Inazio), 10 minuturo Urbinagara eta Bidezabal bidean eta 20 minuturo Plentzia norabidean.
Hiruetatik seiak arte, berriz, 10 minuturo ibiliko dira metroak Bolueta eta San Inazio artean eta 20 minuturo gainontzeko tarteetan.
Azkenik, seietatik bederatziak arte 5 minuturo ibiliko dira metroak Bilboko tartean, 10 minuturo Bidezabal bidean eta 20 minuturo Plentzia eta Urbinaga norabideetan.
Metro Bilbaok zerbitzu berezia eskainiko du Gabon zahar gauean
2004ko abe. 29a, 23:19
Abenduaren 31an, 21:05ean abiatuko da Boluetatik Plentziara doan azkeneko metroa eta 20:20ean alderantzizko norabidean. Goizaldeko ordu batetan berriro egongo dira martxan trenak Gabon zahar gautxorien parranda gogoak asetzeko. Guztira, 150 zerbitzu eskainiko ditu Metro Bilbaok 2005eko urtarrilaren 1eko 1:00etatik 9:00ak arte. Geltokiko langileen oharrei kasu egiteko gomendatu du konpainiak, eta urte berriaren etorrerarekin metroaren tarifa berriak martxan jarriko direla ohartarazi du.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun