Aipaturiko neurriaren bidez, "herriko bakea eta herritarren elkarbizitza bermatu nahi da eta aisiako jarduerak, zilegiak direnak bestalde, eta Getxoko herritar guztien eskubideak bateragarri egin", Zarraoak aipatzen duenez.
Eusko Jaurlaritzako auraudiak udalek itxierako ordutegia zabaltzea ala murriztea ahalbidetzen du.
Aurtengo Gabon jaietarako Eusko Jaurlaritzak iradokitako ordutegi zabaltzea murriztuta izango dute Getxo udalerriko ostalaritza establezimenduek. Iñaki Zarraoa alkateak kaleratutako bandoan azaltzen denez, "itxierako ordua gutxitua eta murriztua dago eta abenduaren 31 eta urtarrilaren 5ean bi ordu gehituko zaizkio bakarrik itxierari, EAEn Gabon jaietarako arautatakoaren arabera". Gainontzeko egunetarako ordu-tarte orokorra bere horretan mantenduko da, toki eta establimendu mota bakoitzari ezarri zaizkion arauek agindu bezala. Hortaz, bestelako egunetan goizaldeko ordu batetan itxi behar duten tabernek hiruak arte egon ahal izango dira Gabon zahar gauean. Eta hiruak arte egoten direnak bostak arte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun