Ez desafinatzeko, Gabon zahar gauen eztarriak zaintzen saiatzeko eskatu diete sopeloztarrei udal arduradunek. Hala ere, bereziki, neska-mutikoei begira antolatutako ospakizuna da biharkoa. Abestera hurbiltzen diren umeak Gabonetako Umeen Parkean abenduaren 28an eta 29an egiteko aukera izan duten “txerri maskarak” ere eraman ahal izango dituzte.
Ohitura zaharra
Ia desagerturik zegoen ohitura zaharra berreskuratzeari ekin zion igaz Sopelako Udalak. Udal arduradunek azaldu dutenez, aspaldi batean Sopelan eta Bizkaiko hainbat lekutan, herriko jendea etxerik etxe joaten zen urte barria zoriontzen, Gabon sariaren eske, honako lelo hau abesten:
urte barri
txarri belarri
dekonak ez dekonari
nik ez dekot eta zuk niri
ezpabere
martillutxu bategaz
aginek ausi
triski trauski
(Sopelako erara)
Bigarren urtez jarraian, Urte Barri jaia antolatu du urtarrilaren 1ean Sopelako Udalak. Ohitura zaharrari eusteko asmoz, 13:00etan elkartuko dira sopeloztarrak udaletxeko plazan "Urte Barri" kanta abesteko. Bi txerri dira ospakizuneko pertsonai nagusiak: bata ona eta bestea gaiztoa. Udaletxe parean dagoen oinezkoen gunetik kalejira egingo dute abestia kantatuz. Gainera, opariak banatuko dira hurbiltzen direnen artean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun