Hitzarmena bi arlotan oinarritzen da. Alde batetik, energia berriztagarriekin zer ikusia du, eta hori aurrera eramateko bi ikerketa burutuko dituzte, ondoren praktikara eramateko. Lehendabizi, udal eraikinetan eguzki-energia erabili ahal izateko azterketa egingo dute (eguzki-panelak). Hain zuzen ere, Jesusen Bihotza Udal Egoitzatik hasiko dira. Izan ere, Iñaki Zarraoa alkateak aipatu duenez, eraikin horrek baldintza egokiak ditu aipatu ikerketa burutzeko. Bigarren, petrolioaren eratorriak erabili beharrean udal ibilgailuek bioerregaiak erabiltzea aztertuko da. Zentzu honetan, etorkizunean, energia mota hori erabiltzen duen ibilgailua erostea aurreikusten du Udalak, EEEk gomendatzen baldin badio.
Energia aurrezteko neurriak
Energiaren zentzuzko erabilera aurreikusten duen bigarren arloak, berriz, herriko argiak ditu ardatz. Zentzu horretan etorkizunean irtenbide ezberdinak eman nahi dituzte: kalean jende gehiago dagoen orduetan argindarra handiagoa erabili, eta jende gutxiago dagoenean, aldiz, argiaren potentzia jaitsi... Guzti hau energia aurrezteko asmoz egingo dute, Zarraoak adierazi duenez.
Hitzarmenak aurreikusten dituen ekintzak aurrera eramateko behar diren baimenak eta lizentziak kudeatuko ditu Getxoko Udalak. EEEk, bere aldetik, Europan, Espainian eta Euskal Autonomi Erkidegoan burutzen diren proiektuetara atxikitzeko kudeaketa egingo du.
Energiaren zentzuzko erabilera sustatzeko 30 mila euro inbertituko dira Getxon
Udalerrian energiaren zentzuzko erabilera eta energia berriztagarriak sustatzeko asmoz, Energiaren Euskal Erakundearekin (EEE) hitzarmena sinatu du Getxoko Udalak. Jarduera 2004ko aurrekontuetan oinarrituta dago baina 2005ean eramango dute aurrera, 30.000 euroko aurrekontuarekin. Getxoko Udalak urteak daramatza EEErekin elkarlanean energiaren inguruko aholkularitza jasotzeko, tokiko agintariek adierazitakoaren arabera. Argazkian, Gobela kiroldegiko eguzki-panelak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun