"Sutsuki" gaitzetsi du PSE-EEko egoitzan gertatutakoa Imanol Garai Sopelako alkateak. Bere ustez, "erabateko koldarkeriaz eta gauaren babespean egindako erasoa da. Gainera, horrela ez dago herri honetan ezer lortzerik, ezta gainontzekoetan ere". Hori dela eta, horrelakoei aurre egiteko tresnarik egokiena elkarrizketa dela dio.
Gaiaren inguruko berriak:
Sopelako PSE-EEko egoitzan lehergailua jarri eta bertoko eta Algortako batzokietan pintadak egin dituzte
Sopelako alkateak "sutsuki" gaitzetsi du PSE-EEko egoitzaren aurkako erasoa
2005ko urt. 7a, 16:05
Imanol Garai Sopelako alkateak deituta, datorren astelehenean bilduko da Bozeramaileen Batzordea, Errege-egunaren bezperan izandako PSE-EEko egoitzaren aurkako erasoa gaitzesteko asmoz. EAJko zinegotziek osatzen duten Udal Batzarrak deitoratu egin du dagoeneko urtarrilaren 5ean gertatutakoa. Euren hitzetan, "Sopelako Udal Batzarrak herrian izandako bizikidetza demokratikoaren aurkako eraso higuingarriak gaitzesten ditu eta horien egile koldarrei mespretxua erakutsi nahi die, baita horiek bultzatu edota deitoratzeko gai ez direnei ere".Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun