Gabonetako zuhaitzak batu eta mendian landatuko ditu Foru Aldundiak

Erabiltzailearen aurpegia
Uribe Kostako biztanleek datozen egunotan beren gabonetako zuhaitzak birziklatzeko aukera izango dute. Urtarrilaren 10 eta 11n, Bizkaiko Foru Aldundiko Nekazaritza Sailak batuko ditu data hauetan etxe askotan erabiltzen diren zuhaitzak. Bildutako guztiak Bizkaiko basoetan landatuko dira hazi daitezen.
Nekazaritza Sailak Uribe Kostan jarritako bilketarako tokiak hiru dira. Erandion, udaletxean utzi ahal izango dira zuhaitzak. Gabonetako zuhaitzak lagatzeko beste lekuak Negurin dagoen Getxoko udaletxea eta Algortako Geltoki plaza dira. Jakina, zuhaitzak benetakoak izan behar dira eta ez plastikozkoak.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun