Ezker abertzaleko plataformek euskal presoak Euskal Herriratzea eskatuko dute

Erabiltzailearen aurpegia
Uribe Kostako hamar ezker abertzaleko herri plataformek euskal presoak Euskal Herrira ekartzea eskatzeko mozioak aurkeztuko dituzte udaletan. Mozioak "datozen aste zein hilabeteetan" jarriko dituzte, haiek aurkeztuta (Sopela Aurrerako kasua) eta, ilegalizatuta dauden lekuetan, beste alderdi batzuen bidez eginez edo plenoetan herriari dagokion txandak erabiliz.
Barrika Baietz, Erandioztarrok, Getxo Bizia, Gorliz Aurrera, Hain Ederra (Berango), Haize Abertzalea (Plentzia), Ipar Haizea (Lemoiz), Leioa Abian, Sopela Aurrera eta Urdulizen Bagara herri plataformek Euskal Herriko ezker abertzaleko herri kandidatura guztiek aurrera eramango duten ekimenaren barruan jardungo dute.

Izan ere, gaur goizean, Bilbo Aurrera taldeko Arantza Urkaregi eta Gazteiz Izango Amparo Lasherasek aurkeztu dute Bilbon euskal preso politiko eta sozialen hurbilketarako egitasmo berri hori. Euskal Preso Politikoen Kolektiboak (EPPK) "Euskal Herria eraikitzeko erabakitan hitza izateko eskubidea bermatzea da helburu" esan dute plataformen ordezkariek. Era berean, azpimarratu dute udal guztiek mozioak onartzea nahi dutela "gatazkaren konponbide prozesuan partaide izan behar dutelako". Mozioaren testuan, besteak beste, "isolamendu eta dispertsioaren amaiera" aldarrikatzea eskatzen zaie udalei.

Uribe Kostako egoera

Uribe Kostan gaur egun 40 preso daude, Iñaki Sanchez Melendo "Peke" abenduaren 28an irten zenetik. Haietako bi, Jon Bilbao Moro astrabudutarra eta Gorka Garcia Sertutxa "Patas" algortarra hasi dira EPPKk abiarazi dituen hamar egunetako "txapeoen" lehenengo txandan.

Bestalde, 2003ko maiatzaren 25eko udal hauteskundeetan Uribe Kostako eskualdean kandidatura anitzei emandako 97.761 botoetatik 6.736 (%6,89) jaso zuten ezker abertzaleko herri plataformek. Data horretatik hona, ezker abertzaleko talde politiko bakarra, Sopela Aurrera, eskuratu du ordezkaritza legala. Hiru zinegotzi, alegia.

Beste ezker abertzaleko bederatzi plataformeetatik batek, Gorliz Aurrera, ez zituen lortu behar izango lituzkeen botoak balizko zinegotzirik eskuratzeko. Falta diren zortzi taldeek Alderdien Legearenpean ezeztatu dizkieten 10 zinegotziak aldarrizkatzen dituzte.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun