Getxoztarrak dira atxilotutako biak, 32 urteko L.D.T. eta 28 urteko R.M.R. hain zuzen ere. Lehenengoak legez onartuta dagoen alkohol tasa hirukoiztu egin zuen kontrola egin ziotenean, Getxoko Udaltzaingoak aditzera eman duenez. Bigarrenari, berriz, hainbat delitu leporatzen dizkiote, gidatzen ari zen motorra Areetako Lertegi kaleko garaje batetik lapurtu izana ere bai.
Zigorrak
Gogoratu behar da salaketa administratiboetako zigorrek hiru hilabeteko espetxe zigorra jasotzen dutela, eta 302 euroko isuna 0,25 eta 0,35 (0,15 eta 0,35 karneta berezia dutenenentzat) alkohol tasen artean daudenentzat, 480 eurokoa 0,56 eta 0,65 artekoentzat eta 602 euroko zigorra 0,66 baino gehiago ematen dutentzat.
Trafiko segurtasunaren kontrako salaketak, berriz, epaitegian ebazten dira, eta urte batetik lau urtetara gida-baimenik gabe geratzea ekarri ditzakete horiek.
Getxoko Udaltzaingoak bi lagun atxilotu zituen atzo goizaldean, trafiko segurtasunaren kontrako delitua egotzita. Asuako errepidetik, hurrenez hurren, autoan eta motor batean zihoazela, alkoholemia kontrola saihestu nahi izan zuten, horretarako beste auto gidarien segurtasuna arriskuan jartzen zuten maniobrak egin zituztelarik, polizia iturrien arabera. Horretaz gain, sei pertsonei jarri diete salaketa, asteburu honetan udalerriko errepideetan egindako alkoholemia-kontroletan positibo emateagatik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun