Ostegunean epaituko dituzte Metroko lau zaindari hamar gazte jipoitzeagatik

Erabiltzailearen aurpegia
Ustezko Metro Bilbaoko lau zaindari epaituko dituzte ostegun honetan Getxoko justizia epaitegian. Iragan den larunbatean gauean metroko bagoian eta Lamiakoko geltokian hamar gazte jipoitu zituztelakoan auziperatuko dituzte. Neguriko ertzain-etxean salaketa aurkeztu duten gazteen arabera, kalez jantzitako metroko lau zaindarik haietako bati "sudurrean eman zion odol jarioa eragin zion ukondoko bat, kung-fu eran". Beste bati "potroetan ostikada bat" eman zioten eta "Western-ean bezala", gazte bat "txartelak egiaztatzeko makinen gainetik bota zuten". Ertzaintzak ustezko egileetako bat identifikatu du eta Metro Bilbaok prentsa ohar baten bidez jakinarazi duenez ez du inolako baloraziorik egingo gertaera ikertu arte.
Getxo udalerriko bigarren mailako futbol taldeko jokalariak diren gazteek "El Correo Español" eta ETBko Pásalo programari adierazitakoaren arabera, Athleticek jokatu zuen partida Itzubaltzeta / Erromon ikusi ostean, goizean irabazitako partida Bilbon afari batez ospatzera abiatu ziren. Gauerdian ailegatu ziren 20 eta 30 urte bitarteko gazteak Areetako geltokira, trena hurbiltzen zela, alegia.

Bi minutuko bidaia

Trena ez galtzeko eta beren lagunak txartelak atera behar izateagatik kanpoan geldi ez zitezen hiru gazte oraindik irekita zeuden ateetan gelditu ziren. Uniformez jantzitako zaindari batek era zatarrean "Barruan ala kanpoan?" galdetu zien. "Barruan" erantzun zuten hiru gaztek, beren lagunak presaka sartzen ziren bitartean.

Une horretan "lau mutiltxarrek", gazteen ustetan segurtasun langileak ere, barrura bultzatu zituzten. Bigarren mailako jokalariek "lasaitasuna" eskatu zuten eta "zaplasteko bat" jaso erantzun gisa. Hortik aurrera eta bi minututan hainbat kolpe hartu zituzten. Gazteen adierazpenen arabera, "ez ginen saiatu erantzuten, bestela txikitu egin izango gintuzten".

Epaiketari begira

Lamiakoko geltokira heldu bezain laster, trenatik kanporatu eta bertan ere berriro jipoitu zituzten. Ondoren, erasotzaileak beste nasara igaro eta hurrengo trena hartu zuten. Gazteek Ertzaintzara deitu eta gero, bederatzik Neguriko ertzain-etxean deklaratu zuten, goizeko seiak arte. Hamargarrena, Gurutzetako ospitalera eraman zuten apurtutako sudurra zela-eta.

Ostegunean arratsaldeko 6etan Getxoko justizia epaitegian burutuko den epaiketa azkarrari begira gazteek ez dira oso baikorrak Metro Bilbaok zaintza-bideoak aurkeztuko ez dituelakoan baitaude eta lekuko gutxi daudelako.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun