UKDigitalak jakinarazi duenez, aipatutako lanak Bizkaiko Garraio Partzuergoaren finantza-planaren barruan sartuko dira. Planaren aurrekontua 64 milioi eurokoa da urteko. Maidagan eta Urdulizko trenbide-pasaguneen lurperatze lanek ez dute kaltetuko Metro Bilbaok Basaurin eta Santurtzin egiten ari den lana.
Oraingoz, epemugarik ez
Proiektuari data zehatzik ezagutzen ez bazaio ere, Bilbaok agindutakoa urrats eraginkorra izan daiteke urduliztar zein getxoztarrek urteetan egindako protestaldiei irtenbidea emateko. Ika-mika handiena sortu zuen ekimena Sendoa plataformak deitutako gose-greba izan zen, non aitite eta amamek ere parte hartu zuten.
Jose Luis Bilbao Bizkaiko diputatu nagusiak Maidagan (Getxo) eta Urdulizko trenbide-pasaguneak "behin betiko" desagerraraziko direla adierazi du gaur. Bilbaok aipatu duenez berak azaldutako "burugogorkeriagatik" bi lan horiei ekingo zaie, Bizkaiko garraioan dauden bi arazogune horiekin bukatzeko beharrezkoa baitzen. Lanez Bizkaiko Garraio Partzuergoa arduratuko da. Elkarte publiko horretan Eusko Jaurlaritza, udalak eta Bizkaiko Foru Aldundiak berak parte hartzen dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun