Eskainiko diren filmak hauek dira: Segio Garcia zuzendariaren “San Salvador”, 19 minutuko iraupenarekin; Roswita Menzel alemaniarrak zuzendutako “Sing, Sing, Sing”, 12 minutukoa; Navav Gal israeldarrak zuzendutako “A different war”, 15 minutuko iraupenarekin; eta azkenik, Eiseu Blay zuzendariaren “Sentenciados sin juicio”, 52 minutukoa.
Bazterketarekin amaitu
“Getxo udalerria jaialdi honetan parte hartuz, kultura arloari ekarpena egin ez ezik, gaur egun Euskal Herrian normalizatuta ez dagoen egoera agerian utzi nahi dugu”, azaldu du gaur goizean Iñaki Zarraoak. Hain zuzen ere, Roberto Caston Zinegoak ´05eko zuzendariarekin bat etorri da Getxoko alkatea "tolerantzia, askatasuna, errespetua, eta pertsona guztiok eskubide berdinak izateko egin behar dugun bidea“ sustatzea dela helburua adierazteko orduan. Castonen hitzetan, "gaur egun egiten diren filmek gay, lesbianak, eta transexualak diskriminatzen dituzte, eta horrekin apurtu nahi du jaialdiak”.
Imanol Landa Presidentzia zinegotziak jaialdia Getxora ekartzeko hiru arrazoi izan dituztela azaldu du: 2004urtean jaialdiak izan zuen arrakasta (bere kalitatearen adierazlea), aldarrikapena eta azkenik, kultura eta aisialdiaren bidez gazteak aberastea. Izan ere, "gai hau jorratzen dituzten filmak ez daude zine komertzialetan ikusgai, eta honek interesa piztu egiten du", udal arduradunen hitzetan.
Gaiaren inguruko berriak:
Getxo, Leioa, Berango eta campusa ere hartuko ditu Zinegoak 2005 jaialdiak (2005 Urt 11)
Iazko arrakasta ikusita, Berango, Galdakao, Getxo, Leioa, Portugalete eta Sestaora zabaltzea erabaki dute aurten Bilboko Gay-Lesbo-Trans Nazioarteko Zinema Jaialdia. Besteak beste, Zinegoak ´05eko lau filme proiektatuko dira urtarrilaren 27an (osteguna), Algortako Getxo Antzokian, arratsaldeko zortzietatik aurrera. Hain zuzen ere, Getxoko Udaleko Gazte Zerbitzuaren laguntzarekin egingo dute ekimena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun