Bart iluntzeko azken orduan eman zuten jakiitera, "espetxean jasotako erredentzioak zuzenak" direla ebatzi ostean, Edorta Sainz Lobatori askatasuna ematea erabaki zuela Espainiako Auzitegi Nazionaleko Zigor Arloko Aretoak. Agiriak gora behera, gaua Murtzian igaro ostean, dagoeneko etxerako bidean da, Leioako Amnistiaren Aldeko Mugimenduak UKBERRIri adierazi dionez.
Jaiotzez Legutiokoa da Sainz Lobato eta omenaldia bertan egingo diotela uste dute Leioan, oraindik zehaztu ezin izan duten arren. Hala ere, gaualdean Uribe Kostako herrian egongo dela espero dute, bertan ekitaldi xumea egin diezaioten. Izan ere, alaba txikia du Leioan Sainz Lobatok.
Gaiaren inguruko berriak:
Sainz Lobato aske irtetea galarazi du Espainiako Auzitegiak (2005 Urt 13)
Auzitegi Nazionaleko Fiskaltza De Juana aske uztearen kontra azaldu da (Eitb24.com)
Dagoeneko etxerako bidean da Sainz Lobato
2005ko urt. 14a, 13:49
Edorta Sainz Lobato euskal preso politikoa aske gelditu zen bart iluntzean, 17 urteko espetxe zigorra bete eta gero. Zigor osoa beteta izan arren, Javier Gomez Bermudez Espainiako Auzitegi Nazionaleko instrukzio epaileak espetxean edukitzeko agindua eman zuen atzo, "erredentzioak argitu arte". Oztopoak oztopo, Sainz Lobato bart iluntzean atera zen Murtziako espetxetik, 22:30ak aldera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun