E.H. Zabaldu!-ren oharra, hitzez hitz
Azkenengo asteetan somatuko zenutenez, webgunea ez da batere eguneratu. Izan ere, webgune honen proiektuan gabiltzan kideok, bestelako proiektuak (PAT-Presoen Aldeko Taldeen webgunea [www.pat-eh.org] eta oraindik osatu gabe dagoen Euskal Herriko Gazte Mugimenduaren Topaketen webgunea [www.gaztemugi.org]) heldu ditugu azken egunotan, eta ondorioz, denean aritu ezinean gabiltza.
Horregatik, aurrerantzean beste proiektu horietan ibiliko garenez, E.H. Zabaldu!! webguneak bere eguneroko lana etetea erabaki dugu. Hala ere, webgunea irekita egongo da nahi duenak ia bi urte hauetan bildu dugun informazioa jaso, musika jeitsi edo bestelakorik egin dezan. Horrez gain, noizean behin, zenbait gauza publikatzeko asmoa badugula jakinarazi nahi dizuegu. Eskerrik asko denbora guzti honetan gugan sinestu duzuen guztiei eta era batean edo bestean lagundu diguzutenoi!!
Iragan den larunbatean, urtarrilak 15, E.H. Zabaldu! webguneko kideek ofizial egin zuten jadanik ikus zitekeena, webgunean mugimendurik ez zegoela, alegia. Larunbatean publiko egin zutenez, ia bi urteko egunerokotasuna atzean utzi eta lan berriei ekin diete. Presoen Aldeko Taldeak eta Euskal Herriko Gazte Mugimenduaren Topaketak izan dira "errudunak". Orain arte bildutako deialdiak, argazkiak, zenbait gairi buruzko informazioa, musika, bideoak, loturak, eta abar ez dira galduko, sarean mantenduko baitituzte. Gainera, "noizean behin" lehengai berriak sartzeko konpromezua hartu dute webguneko arduradunek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun