Euskal disketxeek bostgarren urtez jarraian izango dira Cannesen "Euskadiko Soinuak" markarekin. Ekimenaren helburua "euskal ekoizpen musikala bultzatzea eta ezagutzera ematea da, bai eta sinergiak sortzea eta euskal disketxeek beste eremu batzuk ezagutzeko eta horietan lan egiteko aukera izatea ere".
Euskal erakusgunean disketxe bakoitzak bere materiala banatuko du, "Euskadiko Soinuak" programak garaturiko beste elementu batzurekin batera, hau da, bi bilduma-disko eta euskal sektore musikalaren enpresen informazioa biltzen duen liburuka bat.
Brixton Records ez ezik, azokan parte hartuko dute Agorila, Aus-Art Records, Distrolux (Munster Records), Elkar, Esan Ozenki, Etxe Ondo, Gaztelupeko Hotsak, Goi Music, Gor Discos, Metak, Musica Autonoma, Noizpop eta Oihuka disketxeek.
Datorren urtarrilaren 23an hasiko da Canneseko Midem Azokaren 39. edizioa. Cannesekoa diskoen Europako azoka nagusia da, eta 9.000 bat profesionalen partaidetza espero da. Bertan egongo da Brixton Records azokak irauten dituen bost egunetan. Itzubaltzeta / Erromoko disketxeaz aparte beste 13 disko argitaletxe egingo dute Okzitaniarako txangoa, "Euskadiko Soinuak" programaren bitartez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun