Fernandezen ustez, gizarteak aintzat hartu behar du Marlon Bejaranok izan zuen "laguntza eta elkartasun jarrera". Era berean, bere iritziz "ezin alde batera utzi" inmigrante bat izan zela pertsona bat salbatzeko asmoz "jokaera zintzo hori" izan zuena, "bere segurtasuna arriskuan jarriz". "Hori gogoetarako elementua izan beharko litzateke", azpimarratu du Fernandezek. "Inmigrantea eta segurtasun ezaren arteko ekuazioa alboratu eta xenofobia eta arrazakeria adierazpenetatik aldendu beharra dago", gaineratu du.
Horregatik guztiagatik, Miguel Angel Fernandez Espainiako Gobernuaren Bizkaiko ordezkariak omenaldi "hunkigarri eta xumea" egin dio Marlon Bejaranori.
Gaiaren inguruko berria:
Ikerketa agindu dute Bizkaiko Zubian izandako istripua argitzeko (2005 Urt 14)
Sopeloztarra zen Bizkaiko Zubitik furgoneta erortzean itotakoa (2005 Urt 13)
Bizkaiko Zubitik eroritako gizona salbatzeko uretara bota zen kolonbiarra omendu dute
Marlon Bejaranoren "jokaera zintzoa" omendu nahi izan zuen atzo Miguel Angel Fernandez Espainiako Gobernuaren Bizkaiko ordezkariak. Ostegunean furgonetan zihoala Bizkaiko Zubitik erori zen gizona salbatzen saiatu zen etorkin kolonbiarra. Hala ere, ez zuen lortu eta, jasotako omenaldiagatik pozik azaldu arren, gizona uretatik ezin atera izana deitoratu zuen ekitaldian. "Inmigrantea eta segurtasun ezaren arteko ekuazioa alboratu eta xenofobia eta arrazakeria adierazpenetatik aldendu beharra dago", esan zuen Espainiko Gobernuaren ordezkariak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun