Iñaki Zarraoak Ertzaintzak itxitako kaleen bestaldean bat-batean antolatutako prentsaurrekoa eskaini du Areetan. Getxoko alkatearentzat garaia da "su etena" emateko izan ezik ETAri "desagertzeko" eskatzeko. Zarraoak ez du baloratu nahi izan kazetarien hipotesiak, hala nola, atentatua balizko bake prozesuren bat apurtzen duen edo ez, ezta ETAko zati batek besteari jarritako oztopoa den. Iñaki Zarraoak gaitzetsi du zonaldean "enpresarioak baino ez dutela bizitzen" esatea eta Areetan jende mota oso ezberdinak bizi direla gogoratzeaz gain horrelako justifikazioekin naskatuta dagoela zehaztu du. Zarraoak 17:30etarako deitu du Udaleko Bozeramaileen Batzarra.
Getxoko alkateak leherketa "Getxoko Udala kastigatu duen zentzurik gabeko ekintza berri bat" izan da. Era berean gertatutakoa "gaitzetsi eta kondenatu egin behar" dela esan du Zarraoak. "ETAri su etena emateko izan ezik, desagertzeko" eskatu behar zaio "hiritarrei ahotsa kentzen eta kikiltzen saiatzen delako", Iñaki Zarraoaren ustez. Horregatik, "Udalaren izenean desagertzeko" eskatu dio ETAri Zarraoak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun