"Zapore gazi-gozoa" utzi dio atzoko atentatua gaitzesteko konzentrazioa Iñaki Zarraoa Getxoko alkateari. Izan ere, alde batetik, pozik agertu da udal mandataria "auzokide asko eta asko hurbildu direlako udaletxera, euren isiltasunarekin, sufritzen ari direnei elkartasuna adierazi eta ETAri desager dadila esateko". Beste alde batetik, jasotako irainak gaitzetsi ditu.
Gaiaren inguruko berriak:
Tirabiren zergatia pankarta ote?
Zarraoari irainak atentatua gaitzesteko elkarretaratzean
Getxoko bonba-autoko lehergaia kloratita indartua zen
Atentatuaten ondorioz familia bat etxez aldatu behar izan dute
"Nabarmendu nahia" egotzi dio Gotzone Morari Getxoko alkateak
EAJ, PSE-EE, EB-Berdeak eta Aralarrek ere atentuaren inguruan jardun dute (2005 Urt 18)
PPren ustez "ETAk babestutako akordioei muzin-egiteko garaia da" (2005 Urt 18)
Atentatua gaitzesteko elkarretaratzea antolatu dute biharko (2005 Urt 18)
EAk "arbuio osoa" agertu dio atentatuari (2005 Urt 18)
Balzaren ustez ETAk "biktimak sortzeko borondatea" zeukan (2005 Urt 18)
Espainiako Gobernuak ETAren kontra "azken uneraino" borrokatuko dela esan du Luesmak (2005 Urt 18)
"Udalaren izenean desagertzeko" eskatu dio ETAri Zarraoak (2005 Urt 18)
Santiago Zabala eta Ondategi kaleen artean leherrarazi dute bonba-autoa (2005 Urt 18)
Eztanda gogorra izan omen da Negubide aldean (2005 Urt 18)
"Oihuka eta irainka hasi diren gutxi horietatik gehienak kanpokoak" zirela adierazteaz gain, "baten batek zirikatuta" zeudela zihur agertu da Zarraoa. "Ez dakit lagunkidetasuna erakusten dioten alderdi horrek –popularrei buruz– gidatuak zeuden. Baina gainontzekoen isiltasun eta gaitzespenarekin bat egin zezaten, PPko ordezkariek ez dute ezertxo ere egin" kritikatu du Zarraoak. Izan ere horrelakorik ez zuela espero adierazi du Getxoko alkateak. "Lehenengo aldia ez da, baina horrelako jarrerak atzean geratu zirela uste nuen, horiek zentzuz jokatuko zutela alegia. Baina etekin politikoak ateratzeko, batzuek terrorismoa eta sufrimendua erabiltzen jarraitzen dutela dirudi".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun