Iraupen eskian ikasteko aukera eskainiko du Bizarra Lepoan euskara elkarteak

Erabiltzailearen aurpegia
Datorren martxoaren lehenengo asteburuan iraupen eskian ikasteko aukera izango da Getxoko Bizarra Lepoan euskara elkarteari eta Egizu! ekimenari esker. Izan ere, bi erakundeek Somporteko (Jaka, Aragoi) eski estazioan euskarazko ikastaroa jasotzea eskaini diote euskaldun orori, Gazte Saltza gazte euskaldunentzat zuzenduriko egitasmoaren barnean. Izena emateko epea otsailaren 14tik 23ra izango da.
Bizarra Lepoan Euskara Elkarteak urtero antolatzen duen eski ikastaroa aurten martxoaren 4tik 6ra bitartean burutuko da Jakan. Apuntatzeko epea otsailaren 14tik 23ra izango da. Izena eman daiteke Bizarra Lepoaneko egoitzan arratsaldeko 5etatik 8etara, telefonoz (944 914 357) edo e-postaz: bizarralepoan@euskalnet.net. Prezioa 100 euro izango da bazkideentzat eta 125 ez bazkideentzat.

Prezioaren barruan garraioa autobusez, Jakako Oroel Apartahotelean egonaldia, larunbateko eta igandeko gosariak, larunbateko afaria, forfaitak, ekipo osoko alokairua, asegurua eta bi orduko eski ikastaroa euskaraz egunero sartzen da. Egitasmoa Getxoko Udaleko Euskara Zerbitzua eta Bizkaiko Foru Aldundiak babestu dute.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun