Juan Moral fiskalaren aburuz, "Udaletxe proiektuaren sorreratik ETAk herriko tabernen sarea kontrolatu zuen Banakaren bidez". Maite Amezaga da, bere ustez, "1992an, herriko taberna guztiak Banakaren egituraren barruan sartu eta horiek nola antolatu behar ziren erabaki zuena". Hain zuzen ere, horregatik deitu du lehendabizi deklaratzera. Horretaz gain, Maite Amezagarekin batera, "ETAk Jose Luis Franco (algortarra ere bai) eta Maite Amezaga jarri zituen KASeko zuzendaritzan", Espainiako Auzitegi Nazionaleko fiskalaren hitzetan.
Gaiaren inguruko berriak:
Jose Luis Franco eta beste 34 batasunkide epaitzea eskatu du Espainiako Fiskaltzak (2005 Urt 17)
Herriko tabernen auzia dela eta, gaur bertan joan da deklaratzera Maite Amezaga
Herriko tabernekin loturiko "jarduerak" burutzeagatik, "ETAren partaide" izatea leporatuta, Herri Batasuna, Euskal Herritarrok edo Batasunako barne egituretako kide izandako 35 lagun auziperatzea eskatu zion, joan den astelehenean, Baltasar Garzon epaileari Juan Moral Espainiako Auzitegi Nazionaleko fiskalak. Horien artean, Maite Amezaga algortarra deitu dute gaur deklaratzera, "Banakako ahalduna izan zelakoan". Aipatu aholkularitza enpresak herriko tabernen "kudeaketaren ardura" zeukan Moralen hitzetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun