Mobilizazioak urtarrilaren 3an hasi ziren euskal preso politiko guztiek egin zuten plantoarekin. Horren ondorioz hainbat espetxetan zigorrak egon dira. Horien artean Orkatz Gallastegi berangotarra zegoen zigortuta joan den astean, Uribe Kostako Amnistiaren Aldeko Mugimenduak oihu@ (2005 Urt 13)agerkari elektronikoaren bidez adierazi zuenez.
Espetxe aldaketak
Aste honetako "oihu@ agerkarian, berriz, Leioako Urtzi Murueta eta Berangoko Martin Etxegarai espetxez aldatu dituztela eman dute jakitera. Lehenengoa, Fleury-Merogis espetxetik Tarascon espetxera (Frantzian ere bai), eta bigarrena Albacetetik Zuerako (Zaragoza) espetxera. Aldaketa biak "tratamendu arrazoiengatik egin dituzte, beste arrazoi judizialik gabe", Amnistiaren Aldeko Mugimenduak adierazi duenez.
Gaiaren inguruko berriak:
Orkatz Gallastegik eta Karlos Garridok egingo dute bigarren txanda (2005 Urt 13)
Astebete egin dute itxita Bilbaok eta Garciak (2005 Urt 11)
Ezker abertzaleko plataformek euskal presoak Euskal Herriratzea eskatuko dute (2005 Urt 10)
Uribe Kostako beste bost presok hartuko diete txanda Gallastegi eta Garridori
2005ko urt. 21a, 21:42
Euskal Preso Politikoen Kolektiboak (EPPK) abian jarritako "borroka iraunkorreko dinamika"ren barruan, astelehenean amaitu dute hamar eguneko itxialdia Berangoko Orkatz Gallastegik eta Sopelako Karlos Garridok. Egun horretatik bertatik otsailaren 4ra arte, berriz, Algortako Manex Zubiaga, Berangoko Lexuri Gallastegi eta Jagoba Terrones, Leioako Urtzi Murueta eta Sopelako Aitor Boresek hartuko diete txanda. Besteak beste, Frantziako Albolote, Fleury-Merogis, Tarascon, Villepinte eta Espainiako Jaen eta Murtziako espetxeetako euskal preso politikoak dihardute oraindoan mobilizazioetan.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun