Lehenengoan, Errekaganekoek Udalari "zuloz, putzuz eta lur desberdinduz" betetako kalearen "egoera penagarria" dela eta "behin eta berriz" egindako kexak ezagutu eta haiekin bat datorrela dio PPk.
Bigarrenean, "hain egoera penagarrian" dauden Errekagane eta "udaleko beste kale batzuk konpontzea behin eta berriz eskatu" duela jakinarazi du Getxoko PPk.
Hirugarren puntuan, PPri "Udal Gobernuak emandako erantzuna 2005ean errepideen konponketarako aurrekontua 1.729.000 eurotan (288 milioi pezeta) txikitzea" izan dela esan du PPk. Horregatik, "aurreko urteetan" Errekagane kalea "ez bazen konpondu, zer itxaron daiteke orain?" galdetu dute popularrek.
Laugarren puntuan, "Errekagane eta Getxoko beste kaletako auzokideok errepide duinak dituen herri batetaz goza dezagun Getxoko Alderdi Popularrak ekimenak aurkeztuz eta borrokatuz" jarraituko duela dio Marisa Arruek. Bukatzeko, popularrek auzokideak haiekin harremanetan jartzeko eskatu dute.
Errekagane kaleari buruzko orria argitaratu du Getxoko Udaleko talde popularrak
Getxon PPk duen udal taldeak Errekagane kaleko bizilagunei idazki bana bidali die. Orrian, EAJ, EA eta EB-Berdeakek osatzen duten Udal Gobernuak Errekagane kalea "noiz konpondu eta asfaltatzeko asmoa" izango duen galdetzen du Marisa Arrue PPko Getxoko Udal Taldeko bozeramaileak. Erdara hutsezko dokumentuan, Getxoko PPk lau puntu zehaztu die auzokideei.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun