Horiez gain, eta urte osoan zehar ikuskizuna antzezteko aukera izateko, hiru bukaera ezberdin prestatu dituzte, bakoitzari dagozkion mitologiako pertsonaiekin. Algortako kasuan, data kontuan hartuta, inauteriei dagokien amaiera eskainiko dute. Beraz, oso ezagunak diren pertsonaiak arituko dira eszenatokian: Lantzeko inauterietako Miel-Otxin; Markinako Martintxo eta Mundakako atorrak eta lamiak, besteak beste.
Musika, jantziak eta dekoratuak
Esan bezala, musikak oso toki berezia du produkzioan, eta oso erakargarria den eskaintza horrek estilo eta musika tresnen nahasketa dakar. Bost musika lan ezberdin eskainiko dira, folka, ezpatadantza, zortzikoa eta rocka nahastuta.
Azpimarratzekoa dira, bestalde, jantziak (diseinuaren originaltasunagatik, koloreengatik eta erabilitako materialatik) eta dekoratuak (mugikorrak diren sei egitura hiru dimentsioak sortzeko).
“Zergatik ez?” ikuskizunerako sarrerak hiru euro balio du eta dagoeneko Algortako Kultur Etxean salgai dago, baita BBKko Teleka kutxazainen sarean ere.
Gernika-Lumoko Segundo Olaeta Musika Eskolak diseinatutako Zergatik ez proiektu berritzaile didaktiko-artistikoa hartuko du larunbatean (urtarrilak 29), arratsaldeko seietan, Algortako Getxo Antzokiak. Euskaraz egina, euskal mitologia hartzen du oinarri, eta ume eta familiei zuzenduta dago. Lau ataletan banatzen den ipuin musikala da, beraz, musika muntaiak entzun daitezke atalen artean. Ikuskizunean agertzen diren pertsonaien artean, Basajaun artzaina, Galtzagorri deabru txikiak, Nafarroako akelarretan ohikoa den Sorgin eta Mari ederra dira azpimarratzekoak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun