Dagozkien eskubideen defentsan Euskal Preso Politikoen Kolektiboa borrokaldi gogor bat egiten ari den honetan gatazka behin betirako luzatu nahi dutenek harturiko kalkulatutako neurriak dira hauek eta heriotza eta samina beste helbururik ez dute.
Guri, euskal gizartea osatzen dugun eragile nahiz norbanakooi dagokigu mendekua beste helburu ez duten horiei aski dutela jakinaraztea. Horretarako, konpromisoak indartu behar ditugu sakabanaketa politikarekin behin betirako amaitzeko eta gure eta haien eskubideen berme bakarra den Euskal Herriratzea lortzeko, konpromisoak indartu behar ditugu euskal preso politikoen kolektiboaren parte hartzearekin gatazka politiko eta armatua behin betiko konponbidean jartzeko. Eragile nahiz norbanako orok hitzetatik ekintzetara igaro behar du, guztion arteko indar metaketatik, hitzak konpromiso ekintzak bilakatuta ekarriko baititugu euskal preso politikoak Euskal Herrira.
Datorren otsailaren 3an aukera aparta dugu, Amnistiaren Aldeko Mugimenduak Euskal Preso Politikoen Kolektiboaren borrokaldiarekin bat eginez antolatu duen mobilizazio egunean dezagun hitza, eman diezaiegun hitza!
Euskal presoak Euskal Herrira, orain!
Etxerat
http://www.etxerat.info
Isolamendu Politikoaren kontra, Status Politikoaren alde, Euskal Presoak Euskal Herrira!
Preso dituzten gure senide eta lagunak pertsona gisara nahiz politikoki suntsitzea helburu duten politiketan sakontzen jarraitzen dute bi estatuek, sakabanaketa politikan eta, komunikazio murrizpenetan sakonduz nahiz, kartzeletako bizi baldintzak oraindik eta gehiago gogortuz. PSOE da PPren “ustel daitezela” leloa praktikara eramaten ari dena, beraien legeen arabera kalean beharko luketen gure senide eta lagunei askatasuna ukatuz, kartzelaz kartzela lagunen zerrendak 10-4 lagunera murriztuz, presoak oraindik eta gehiago urrunduz eta bakartuz… Hitzez Patxi Lopezek hainbat komunikabideetan kontrakoa egin beharko luketela esan arren, bi estatuen jo mugan gaituzten senide eta lagunoi ere estatuek eragindako istripuak izateko boleto gehiago banatzen ari zaizkigu Madrilgo eta Pariseko gobernuak zigorgabetasun osoz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun