Lapurketa urtarrilaren 21eko 17:00etan gertatu zen Gurutzeta auzoan. Bi morroi pertsona batengana gerturatu ziren kalean eta kotxe batean sartu zuten. Bertan, gainean zeuzkan 600 bat euro eta sakeleko telefonoa lapurtzeaz gain, labanaz zauritu zuten. Lapurketa gauzatzeko, Bilboko Zorrotza auzoko mendi batera eraman zuten biktima.
Arropa odoleztuak
Ondoren, lapurtutakoaren kexak zirela-eta Gurutzetako osasun etxe batera eramateko konpromezua hartu zuten erasotzaileek, heriotz mehatxuen artean, beti ere biktimak gertatutakoa isilpean gordetzeko eta laguntza medikoa jaso ostean beraiekin bueltatzeko agindua eman eta gero. Lapurtutako pertsonaren arropa odoleztuak ordezkatzeko, komertzio batean gelditu zuten kotxea, praka batzuk eta jaka polarra erosteko.
Osasun etxean utzita, biktimak konfidantzazko pertsonekin harremanetan jarri zen eta gertatutakoa salatu zuen. Ertzaintzak A.C.F. eta D.F.N. atxilotu zituen lau egun beranduago eta epailearen aurrera eraman zituen, Gurutzeta eta Zorrotzako gertaeren erantzuleak zirelakoan.
A.C.F. 45 urtetako erandioztarra eta Barakaldoko D.F.N. 25 urtetako gaztea atxilotu zituen Ertzaintzak iragan den asteartean, urtarrilaren 21ean Gurutzetan pertsona bat zauritu eta lapurtu zutelakoan. EAEko Poliziaren arabera, atxilotutakoek "deltuzko aurrekari ugari" daukate.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun