Epaileak bertan behera utzi ditu Nicolas Oñate alkatearen argudioak eta 2004ko otsailaren 19an jarritako auzi-eskea. Alde batetik, salaketak jartzea eskubidea delako eta "epaitegietara jotzea" pertsonen ohorean "injerentziatzat ezin delako hartu". Beste aldetik, prentsaurrekoak burutzea "informazio eta adierazpen askatasunak" bermatzen duela gogoratu du Jujeak.
Txipio Bairen salaketa
Negurin egindako epaiketan "Plentziako alkateak bere auzi-eskea bertan behera uztea proposatu zuen guk salaketa kentzearen truke" salatu dute Txipio Baiko ekologistek zabaldu duten prentsa oharrean. Naturalisten arabera, Isuskitzak duen garrantziaren aurrean "gure salaketa isiltzeko asmoa zuen txantaia" onartezina iruditu zitzaien.
Isuskitzako lurrak gaur egun ez urbanizatzeko lurren artean sailkatuta daude eta zatirik nagusiena babestuta dago bere paisaiak gordetzearren. Baina, bertan 280 txalet, kirolgunea eta merkataritzagunea eraikitzeko proiektua dago eta orain dela bi urte Plentziako Udalak arau subsidiarioak beren beregi aldatu zituen proiektuari bidea emateko. Txipio Baik salaketa jarri zuen, oraindik epaitzeke dagoen kontua.
Nicolas Oñate Plentziako alkateak Txipio Bai talde ekologistaren kontra jarritako auzi-eskea amaitutzat jo du Getxoko 2. epaitegiak. Gainera, prozesu-kostuak ordaintzeko agindu dio Oñateri epaileak. Alkateak bere ohoreari kaltea egin izana leporatu zion Bai Txipio Barrika, Gorliz eta Plentziako Itsasadarra eta hondartzen defentsarako elkarte naturalistari. EAJko alkatearen ustean, Txipio Baik 2003ko azaroan Isuskitzako II. poligonoaren birsailkapenaren kontrako salaketa jarriz eta salaketa iragartzeko emandako prentsaurrekoa eginez kaltetu zuen bere ohorea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun