”Soilik altzariak eskatzea geratuko da, 2005ean zehar apartamentuak erabat eginda egon eta hauek beteko dituzten erabiltzailei emateko”, aipatu du alkateak. 34 eta 43 metro koadroko azalera duten apartamentuak dira eta, egiturari dagokionez, sukalde amerikarra, egongela, logela eta bainugela izango dute.
Beste lan batzuk
Etxebizitzen barrualdea egokitzeaz gain, teilatupeko 28 ganbara eraikiko dira. Igogailu ere jarriko da eta ataria berrantolatu (uraren, gasaren... kontadoreen koadro berriak jarri). Eraikineko kanpo aldean pasabidea egingo da garajeko sarrera-irteeraren gainetik, etxe ingurutik oinezkoen joan-etorria bermatzeko.
Luis Lopez Oseseko 28 apartamentu tutelatuak Erromoko Nagusien Etxean daudenei eta etorkizunean udalerriko beste gune batzuetan eraiki asmo direnei gehituko zaizkie.
Getxoko Gobernu Batzordeak 900.000 euro inguruan esleitu ditu Itzubaltzeta / Erromoko Luis Lopez Oses kaleko 3. zenbakian dagoen udal eraikinean edadetuentzako 20 tutoretzapeko apartamentu egiteko lanak. Bertan, dagoeneko eraikita eta horiek beteko dituzten pertsonak sartzeko falta diren altzariak noiz jaso zain diren beste 8 etxebizitzei gehituko zaizkie, gaur Iñaki Zarraoa alkateak aurreratu duenez. Obrak amaitzeko 12 hilabeteko epea ezarri da eta hortaz 2006ko udaberrirako egon litezke bukatuta, alkateak zehaztu duenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun