Haranbururen hitzetan "desoreka handia da, izan ere Europan 60 hizkuntza komunitate dagoela esan ohi da, baina Itunean 21 besterik ez dira agertzen hizkuntza ofizial gisa". Batasunaren definizioari dagokionez "errespetuak ez du inolako oinarri juridikorik eragiten, ezta hizkuntza politikak abian jartzeko beharrik ere".
Paul Bilbao Behatokiko zuzendariak Behatokiak atera dituen ondorioak eta gabeziak gainditzeko proposamenak agertu ditu:
- Ezinbestekoa da hizkuntz eskubideak jasotzea, bereizkeriarik eza bermatzeko beharrezkoa baita.
- Aniztasunaren definiziorik ez dago; ondorioz zaildu egiten du hizkuntzen beharrei erantzutea eta plangintza egokituak egitea. Aniztasunaren definizio orekatua eta erreala jasotzea beharrezkoa da, berezko hizkuntzen artean hierarkiarik egon ez dadin.
- Hizkuntza erabiltzeko eskubidea 21 hizkuntzatara mugatzen da; beraz, euskal herritarren hizkuntz eskubideen urraketa legez arautzen da.
- Hizkuntzari status ofiziala ez esleitzeak normalizazioa galgatu edo geldi dezake.
Honako helbide honetan aurki daiteke txostena:
Itun Konstituzionala eta Hizkuntz Eskubideak (pdf)
Hizkuntz eskubideen aipurik ez da jasotzen Europako Itun Konstituzionalean Behatokiaren arabera
Hizkuntz eskubideak giza eskubideak eta oinarrizko eskubide dira, eta horien aipa-menik ez da egiten Europako Itun Konstituzionalaren testuan Hizkuntz Eskubideen Behatokiaren arabera. "Europako Itun Konstituzionalaren azterketa hizkuntz eskubideen ikuspegitik" izeneko txostena aurkeztu dute Paul Bilbao Behatokiko zuzendariak eta Arantza Haranburu Behatokiko kudeatzaileak Bilbon egindako agerraldian. Argazkian, Arantza Haranburu eta Paul Bilbao Behatokiko arduradunak txostenaren aurkezpenean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun