Horrela, ikusleek nazioarte mailan dagoen gitarristarik onenetariko entzuteko aukera ezin hobea izango dute, Sylvain Luc; gitarrista hori Baionakoa dugu, eta, musikaren munduan ibilbide oso zabala du.
Beraren ondoan Kepa Junkera dago, gure artean osperik handienetakoa duen artista. Eskusoinu diatonikoa jotzen maisua izateaz gain, estilo berezia sortu du; ondorenez, musikaren munduan maila oso altuak eskuratzera lortu du. (Grammi saria jaso berri du).
Bestalde, Maddi Oihenart kantariak Zuberoan ohikoak diren kantuak eskainiko ditu. Berak duen ahotsaren bidez, leuna eta aldi berean sakona ere, entzulea naturara hurbiltzen den giro magikora lekualdatzeko gai izango da.
Iran eta Kongoko soinuak
Perkusioa Keyvan Chemiraniren ardurapean izango da, etorkizun handia duen musikari irandarraren ardurapean. Perkusionista hau musika-mota ezberdinak jotzen dituzten artisten ohiko laguntzailea dugu.
Amaitzeko, Lokua Kanza musikariaren parte-hartzea ere izango dugu. Aipatu artista, Kongoko artista polifazetiko da, eta, Afrika Erdiko tribu-kantuetara hurbilduko gaitu; izan ere, bere herrian entzute handiko musikari bihurtu da.
Gaiaren inguruko berriak:
Imanol kantautorearen omenezko kontzertuak emango dio amaiera Kantuketan '05eri (2005 Urt 25)
Kantuketan musika-zikloak kultura oso ezberdinek bat egiten duten emanaldia aurkeztuko du lehenengo aldiz, betiere musika ardatza izanik. Igandean Getxo Antzokian izango den "Mundu osotik Euskal Herri osorako" kontzertuaren oinarria nazioarte mailan entzute handia duten bost artista handien arteko lankidetzan datza, soinu ezberdinen arteko nahasketa aberasgarria lortzeko bildu dira. Kepa Junkerak, Sylvain Luc-ek eta Maddi Oihenartek trikitixa eta Iparraldeko kantuen erritmoa azaleratuko dituzte, hurrenez hurren. Lokua Kanzak eta Keivan Chemiranik, aldiz, afrikar nahiz irandar erritmoetara hurbilduko gaituzte. Kontzertua 19:00etan hasiko da eta sarrera hamar eurokoa da (aurretik zortzi euro). Gainera, aipatzekoa da, Euskal Kultur Erakundearen eskutik, Baionatik hurbil dagoen Luhuso herrian (otsailak 5) eta Algortan (otsailak 6) baino ez dela eskainiko ikuskizuna.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun