Emakumeek egindako antzerkia sustatu ez ezik, aurten kalitatea mantendu eta talde kreazioak sustertzea ere izango da erronka. Izan ere, diru gutxiago daukate egitasmoa burutzeko. Erakundeek eman dezaketen diru-laguntzen zain, konpainiek beraiek eta Getxoko Antzerki Eskolak hartuko dituzte beregain gastuak.
Aurten, zortzi antzerki taldeen hartuko dute parte Emakueen Bideak zirkuitoan: Aztiak, Emakumeen Artean, Burbujas, Totum, Luna Llena, Ezgaitz, Bonbolinak eta Panico Escenico. Azken hau talde profesionala da eta aurten gonbidatu dute lehenengo aldiz.
Emanaldiak
Otsaileko antzezpenak 11an hasiko dira, ostiralean, Sestaon eta Basaurin. Totumek "Sera que no me quieres" antzezlana eskainiko du Sestaoko Musika Eskolan, iluntzeko zortzietatik aurrera. Eta Bonboliñakek "Que se mueran los feos" antzeztuko du Basauriko Kultur Etxean, 19:30etik aurrera.
Larunbata 12an, beste saio bat izango da Erandio Bekoa ikastetxean. Luna Llena taldeak "Comicas atribuladas buscan obra (con fines serios)" izenburuko lana eramango dute agertokira, 19:30etik aurrera. Saioetarako sarreren prezioa 1,80 eta 3 euro artekoa izango da.
Eskualde mailan, Erandion baino ez da egongo ikusgai Emakumeen Bideak
2005ko ots. 7a, 21:22
Igaz erakundeen diru-laguntza faltagatik bertan behera gelditu bazen ere, aurten Emakumeen Bideak antzerki amateurraren zirkuitoaren seigarren ekitaldia abiatu du dagoeneko Getxoko Antzerki Eskolak. Zirkuitoa osatzen duten zortzi antzerki taldeen konpromisoari esker ipini ahal izan dute berriro martxan. Hain zuzen ere, eskola getxoztarrak eta konpainiek hartu dute beregain gastuen zati handia, Bizkaiko Foru Aldundiko eta Eusko Jaurlaritzako diru-laguntzak jaso bitartean. Hala ere, Erandio izango da Uribe Kostan zirkuitoa biltzatuko duen bakarra, Getxo udalerrian ezin izango da ikusi emakumezko antzerki talde hauen ikuskizunik momentuz. Basauri, Arrigorriaga, Gurutzeta (Barakaldo), Galdakao, Amurrio, Sestao eta Santurtzin, ordea, bai. Argazkian, Bonboliñaken "Que se mueran los feos" antzezlana.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun