Hala ere, ez da hori izango egingo duten berriztatze lan bakarra. Egoitza guztietako berogailu aldaketa laster egongo da bukatua, udal arduradunek adierazi dutenez. Horretarako, 189.364 euro inbertitu dira. Horretaz gain, kanpoaldean, komunak eta aldagela berriak hartuko dituen eraikina egin nahi dute, 322.642 euroko aurrekontuarekin. Esleipen bidean dago azken egitasmo hori.
Altzaga ikastolako berrikuntza lanetarako 855.000 euro emanak ditu jada Erandioko Udalak. Hori bai, aipatu beharra dago Eusko Jaurlaritzako Hezkuntza Sailak %60an diruz laguntzen dituela adierazitako egitasmoak.
Eusko Jaurlaritzako Hezkuntza Sailaren eta Erandioko Udalaren eskutik, 855.000 euro jaso ditu Altzaga ikastolak instalazioak berriztatzeko lanak aurrera eramateko. Besteak beste, eraikin nagusiko aurrealdeko arotzeri osoa aldatuko dute. Aipatu lanak esleituta daude jada, 343.157 euroko aurrekontuan, eta laster hasiko dira. Hiru hilabetekoa izango da horiek amaitzeko epea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun