Ohiko erabiltzailearen tipologia honako hau da: gizonezkoa, langilea eta 25 eta 34 urte bitartekoa. Genero aldetik, emakumeak erabiltzaileen %44,13 baino ez dira.
Hiru komunitate birtual sortu dira bertako KZGuneetan ostatua hartuz: Bonbolinak antzerki taldea, Astrabuduako Extremadurako Etxea eta Erandioko Emakumeak elkartea.
Altzaga eta Astrabuduako KZGuneak ireki zirenetik 2.000 erandioztar baino gehiagok erabili ditu bertako 32 ordenagailuak. Jado kaleko KZGunean 1855 pertsona aritu dira oraindik zentruak bete ez dituen bi urtetan. Aldiz, Astrabuduako KZGunea 173 pertsonek baino ez dute erabili. Baina, orain dela bi hilabete t'erdi ireki zen eta bertako tutoreek oso ondo baloratu dute auzokideen bisita maiztasuna. Ikastaroetan izena emateko zerrenda eta guzti dagoela jakinarazi dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun