Prestigeren isurketako ikerlariak Leioako campusean batuko dira bihar eta etzi

Erabiltzailearen aurpegia Ukberri 2005ko ots. 9a, 15:06
Azti Fundazioa eta EHUk antolatuta, "Prestigeren fuel-olio isurketaren eraginari buruzko ikerketen aurrerapenerako II. batzarra"ri hasiera emango diote bihar goizeko 11etan Leioako campuseko Zientzia eta Teknologia Fakultatean. 60 ikerlarien parte hartzea espero dute antolatzaileek. Maila ekonomiko, ekologiko, toxikologiko eta ekoizpen aldetik Prestigeren fuel-olio isurketaren eraginari buruzko ikerketek orain arte lortutako emaitzak amankomunean jartzea eta administrazioen eta gizartearen aurrean aurkeztea dira batzarraren helburuak.
Bihar goizean batzarrari hasiera emateko ekitaldian parte hartuko dute:
- Miguel Angel Gutierrez, EHUko Ikerkuntzarako Errektoreordea.
- Tomas Epalza, Ingurumenaren Kalitatearen zuzendaria eta Eusko Jaurlaritzako Prestigeren krisialdirako Erakundeen arteko batzordekidea.
- Beatriz Morales, Institut Mediterrani d'Estudis Avançats-eko ikerlaria eta Espainiako Hezkuntza eta Zientzia Ministerioko Ustekabeko Itsas-Isurketen kontrako I+G Ekintzetarako Koordinazio Zientifikorako Batzordeko presidentea.

12etan hitzaldia izango da Robin Law Galeseko itsas-biologoaren eskutik. "Sea Empress-en fuel-olio isurketa eta ikasitako ikasgaiak" hitzaldiak Sea Empress itsasontziak 1996an isuritako 72.000 fuel-olio tonak ekarriko ditu gogora.

Bihar arratsaldean eta etzi, Azti, EHU eta Espainiako Ikerkuntza eta Elikadura eta Nekazaritza Teknologia Institutu Nazionaleko Ekotoxikologia taldeko ikerlariek Prestigeren isurketek Bizkaiko golkoko kostaldean izan duten eraginari buruzko lanen ematzak aurkeztuko dituzte.

Gaiaren inguruko berriak:

Prestigeren isurketaren eragin biologikoa Bizkaiko golkoan eta Galizian
Jendartea Leioa
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun