Antzolatzaileek iragarri dutenez, Herri ekimenaren izenean Alfonso Sastre izango da hizlaria, Leioako campusean. Hala ere azken ordura arte ezin izango da bere partzea konfirmatu. IAtik, berriz, Garder Gonzalezek hartuko du hitza.
Itzubaltzeta / Erromo eta Areetako Ezetzaren Aldeko Giza Plataformari dagokionez, esan behar da talde anitzek osatzen dutela: Aralar, Askatasuna, Batasuna, EHE, ELA, ESK, Gazte Abertzaleak, Getxo Bizia, Ikasle Abertzaleak, Itzubaltzeta Gaztetxea, Itzubaltzetako Gazte Asanblada, LAB, POSI, Segi eta Zutik erakundeek, hurrenez hurren.
Aurreko egunetan ere hainbat ekimen
Hala ere, hurrengo egunekoak ez dira, ezetzaren alde, Uribe Kostan antolatutako ekitaldi bakarrak. Besteak beste, atzo goizean, 9:30ak aldera, informazioa banatzeko mahaia jarri zuten Erandion ELAkoek. Ondoren, auto karabana egin zuten eta, azkenik, 12:00etan elkarretaratzea bertoko udaletxe aurrean. Algortako Aldai Kulturgunean, berriz, hitzaldia eman zuten, iluntzeko 20:00ak aldera, Ezetzaren Aldeko Ekimenekoek.
Gaiaren inguruko berriak:
Europako Itun Konstituzionalaren aurrean ezetza eskatu du ELAk (2005 Ots 09)
Europako Konstituzioari buruzko hitzaldia izango da etzi Itzubaltzetan (2005 Ots 07)
Sopelako udal webguneak europar konstituzioari buruz erdarazko informazioa eskura jarri du (2005 Ots 04)
Europako Konstituzioaren aurkako plataforma sortu da Itzubaltzetan (2005 Urt 11)
Europako Itun Konstituzionalaren aurkako ekimen ugari Uribe Kostan
2005ko ots. 15a, 15:24
Otsailaren 20an bozkatuko den Europako Itun Konstituzionalari ezetza emateko eskatuz, hainbat dira egunotan Uribe Kosta eskualdean egiten ari diren ekimenak. Besteak beste, asteazken honetan, otsailaren 16an, ekitaldia deitu du Algortako Telletxe plazan Ezezkoaren Aldeko Ekimenak. Aner Petralanda Gazte Mugimenduko kideak eta Marije Fullaondo Herritarren Zerrendako (HZ) Hego Euskal Herriko buruak hartuko dute hitza, 19:30ean. Ordu berean, eskuorrien banaketa egingo du, Areetako Xake plazan, Itzubaltzeta / Erromo eta Areetako Ezetzaren Aldeko Giza Plataformak. Hurrengo egunean, berriz, elkarretaratzea deitu dute ordu eta leku berean. Leioako EHUko campusari dagokionez, hitzaldia antolatu du biharko, Gite-Ipes elkartearekin batera, Ikasle Abertzaleak taldeak. Eta ostegunean, otsailaren 17an, burrunbada egingo du IAk campusean zehar, Bologna Prozesuari EZ! ekimenaren harira. Ordurik ez dute zehaztu oraindik.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun