EHUko Kazetaritza Sailak antolatutako "DATA 2005" Jardunaldiaren barruan, Alvaro Ramirez-Ospina, Norvegiako Bergen-go Unibertsitateko irakasleak "Las ventajas de hacerse bitacorista" hitzaldia emango du bihar, gaur egun Interneten bitakora edo weblog-ek hartu duten gorako garrantzia azaltzeko asmoz. Bergengo adituaren hizketaldia goizeko 9:15ean izango da, Gizarte eta Komunikazio Zientzien Fakultatearen gradu-aretoan.
Bitakorak Interneteko webguneak dira, diario modukoak. Zibertoki horietan bisitariek beren oharrak edota eskaerak uzten dizkiote egileari. Gaur egun, Interneten hamar milioi bat bitakora topa daitezke gai anitzei buruz. Bigarren edizio honetan, "DATA 2005" Jardunaldiak beste gai batzuk ere aztertuko ditu: WordPress-aren eta MySQL-aren erabilera edo LAMP teknologiaren abantailak, besteak beste. Sarrera libre eta doakoa da. (Irudia www.gaztelumendi.org bitakoratik hartuta dago).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun