Italiako Giroan egongo da aurten Roberto Laiseka

Erabiltzailearen aurpegia
Euskaltel-Euskadi taldeak gaur jakinarazi du zeintzuk izango diren maiatzaren 7tik 29ra bitartean bere historiako lehenengo Giroa jokatuko duten txirrindulariak. Euskal taldearen buru Haimar Zubeldia eta Samuel Sanchez izango dira, Julian Gorospe kirol zuzendariak taldearen aurkezpen ofizialean aurreratu zuen moduan. Besteak beste, Gernikan jaio baina aspaldidanik Algortan bizi den Roberto Laiseka egongo da Italiara bidaiatuko duen taldean. Bizikletaren munduan, Punta Galea taldean izan zituen hastapenak.
Unai Etxebarria, Gorka Gonzalez, Alberto Lopez de Munain, David Lopez, Gorka Verdugo eta Joseba Zubeldia txirrindulariak dira Euskaltel-Euskadik itzuli italiarrean aurkeztuko duen taldea osatuko duten gainontzeko txirrindulariak.

Euskaltel-Euskadik lehenengo aldiz jokatuko du Giroa, UCI Pro Tour egutegiaren konpromisoak behartuta. Lasterketa honetan lehen aldiz parte-hartzeak zalantzak sortu arren, Gorosperen gizonek lan ona egitea eta lehen postuetatik gertu egotea espero dute, aurten lehen aldiz jokatuko baitituzte hiru itzuli handiak.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun