Halaber, Supersur bezala ezagunagoa den Metropoliko Hegoaldeko Saihesbidea egiteko lanak "aurreratzeko" eskatu dio Bizkaiko Foru Aldundiari Antonio Basagoiti PPko lurraldeko presidenteak, "2020ra arte irtenbiderik ez delako egongo, zirkulazio-kolapsoaren aurrean". Izan ere, urte horretarako dago aurrikusita saihesbidearen bigarren zatiko lanak amaitzea.
Ildo horretan, Bilbo Handia eta Leioako campusa lotzen dituen garraio publikoko sistema "zaharkituta" dagoela salatu du Basagoitik. "Orain 30 urte zegoenaren berbera da. Nola liteke Santutxutik Leioara doan ikasle batek Gazteiztik datorrena bezain beste denbora ematea?", deitoratu zuen.
Leioako campuserako garraioak hobetzeko eskatu du PPk
2005ko ots. 17a, 11:48
Bilbo Handia eta Leioako EHUko campusa lotzen duten garraioetan hobekuntzak egiteko dirua emateko orduan, euskal erakundeengan "konpromiso handiagoa" eskatu du Bizkaiko PPk. Eusko Legebiltzarrean popularren ordezkaria den Iñaki Ortegak nabarmentzen duenez, "erdipurdikoa" den garraio-sistemaren ondorioak "pairatzen" ari dira ikasleak. "Gainezka doazen autobusak, ibilbide luzeak eta txartel garestiegiak" jarri zituen adibidetzat. Honen gainean, ez legezko proposamena aurkeztuko du Gazteizen PPk, Ortegak iragarri duenez: "Legebiltzarrak bere jarrera zein den argi dezala nahi dugu". Berak kalkulatutakoaren arabera, 18.000 lagun inguru doaz egunero campusera.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun