Horiek arautzeko, bi helburu hartu dira kontuan: urteko edozein momentuan gizarte-larrialdietarako laguntzak jaso ahal izateko aukera ematea eskatzaile guztiei, eta lehentasun irizpide batzuk aintzat hartzea, eskatzaile bakoitzaren beharren arabera. Araudi berri honen abantailik nagusiena, Urkizak zehaztu duenez, “laguntza hauek ematerako orduan gizarte langileen balorazioan ezarri beharko dituzten irizpideak bateratzean datza”.
Gizarte-larrialdietarako laguntzak
Getxoko Udalak etxebizitzaren alokairua eta bera zaintzea lehenetsiko ditu, baita konponketak, instalakuntzak edo altzarien erosketa ere. Urkizak azaldu duenez, “etxebizitza bat alokatzeko behar diren 100 eurotatik 80 emango ditugu, hileko 216 euro emango direlarik gehien jota, Eusko Jaurlaritzaren dekretuak agintzen duen bezala”.
Oinarrizko beharrizanetarako laguntzak
Oinarrizko beharrizanetarako laguntzak ematea ere aurreikusten da, hala nola, betaurrekoak edo audifonoak erosi edota hortzaginak konpontzeko.
Giza izaera duten eta aldizkakoak ez diren dirulaguntzen edo ANPS deritzanen harira, edozein motatako trebakuntza ikastaroetako matrikulazioak, izenemoteak eta asistentziak; ikasketak egiteko materiala edota gerora pentsioa edo antzeko prestazioren bat jasotzea galaraziko duten Gizarte Segurantzaren kuota ordainketen atzerapena bezelako gaiak hartzen dituzte beren baitan.
Laguntza hauez baliatu ahal izateko, hala nola, adinez nagusia izan beharko da eskatzailea. Horretaz gain, Getxon erroldatuta egon beharko da “laguntza eskatzen den eguna baino sei hilabete lehenago gutxienez", gastuei aurre egiteko adina diru ez eduki eta udal gizarte langileekin adostutako giza-eskuhartzerako plan integral batean parte hartu beharko du.
Gizarte Ekintza eta Etxebizitza Arloaren bitartez, 1.325.000 euro inguru banatuko ditu 2005ean zehar, gizarte laguntzetan, Getxoko Udalak. Izan ere, urte honetarako Eusko Jaurlaritzak ezarri eta finantzatutako gizarte-larrialdirako laguntzen (AES) eta erakunde getxoztarrak berak urtero eman ohi dituen aldizkakoak ez diren gizarte dirulaguntzen (ANPS) arauak eta irizpideak onetsi berri ditu Tokiko Gobernu Batzordeak. Iñaki Urkiza hasieran aipatu saileko zinegotziaren hitzetan, “era honetako laguntzetarako gehien bideratzen duen euskal udalerrietako bat da gurea”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun