Ez gaude inolako ideologia politikoarekin lotuta: partaide bakoitzak bere ideiak ditu, guztiak berdinak ez direlarik.
Ez gaude inolako indarkeriaren alde: arazoei irtenbide bat emateko nahiago dugu hitz egiten konpontzea.
Ez dugu diru laguntzarik jasotzen: autogestioan oinarritzen dugu gure ekonomia.
Asanblearioak gara, astelehenero 19etan biltzen gara Algortako kultur etxean, eta ateak zabalik dituzue. Orain inoiz baino gehiago anima zaitezte programak egiten!
Adierazpen askatasunaren eta euskal kulturaren aurkako eraso gehiagorik ez!
Harremanetarako: koskaidatzi@euskalerria.org
Gaiaren inguruko berriak:
Koska irrati askea erasotua (2005 Ots 21)
Areetako bonba-autoa aitzaki hartuta Getxon bizitzea "itogarria" dela plazaratu du 'Interviu'k (2005 Ots 21)
Euskal kultura eta ohiturak Uribe Kostan bultzatu nahi dituen irrati bat da Koska. Gure eskualdean dagoen edozein kolektibok zein pertsonak parte har dezake bertan, eta bere tartea izan, iritziak zabaldu eta dauden beharrizanak herritarrei jakinarazteko. Helburu horrekin hasi ginen lanean orain dela bost urte, eta denbora horretan irrati bat teknikoki osatzea lortu dugu, bidean agertu diren aldian-aldiko oztopo guztiak modu batean edo bestean gaindituz. Eskualdeko ekimen anitzetan parte hartze aktiboa daukagu: jai batzordeak, euskararen aldeko egunak, txalaparta egunak... Autogestioan oinarritzen gara eta ekintza asko burutu ohi dugu aurrera jarraitu ahal izateko, hala nola, txosnak, kontzertuak, kamisetak, zozketak, CDak… Azken erasoa: otsailaren 14an argitaratutako "Interviu"-n, 1.503. zenbakian, 50. orrialdetik 53. orrialdera, ETA, Batasuna, Y taldeekin.... lotzen gaituzte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun