"Beste behin lapurretaren gehiengoa" erabiltzea egotzi die "ustez alderdi eta herri plataforma politikoen ilegalizazioaren aurka dauden horiei, zer eta herritarren erantzun ozena izan duen tasa igoera ezartzeko".
Hain zuzen ere, ehundaka herritarren alegazioei kasurik ez egin izana kritikatu du Getxo Biziak. "Herritar guztioi ezartzen diguten igoera honek sektore langile eta diru sarrera xumeagoak ditugunongan eragin handiagoa izango du eta dendari edo merkatari txikientzat ere zama handia izango da", ezker abertzaleko herri plataformako kideen hitzetan. Aldi berean, tasa igoera "hiri hondakin solidoak erraustera eramateko" neurritzat jotzen dute, "hondakinak tratatzeko modurik kutsakor eta garestiena".
EB-Berdeaki kritika
Horri ere helduz, kritika hitzak jaso ditu EB-Berdeak alderdiak Getxoko PPren aldetik. "Bizkaiko Foru Aldundian babesten ez duten bitartean, Udal honetan errausketaren alde egiten dute", adierazi du Eduadro Andradek. Horretaz gain, merkatariei kalte egingo diela eta familia ugarientzako hobaririk ez dela aurrikusi salatu du zinegotzi popularrak.
Gaiaren inguruko berriak:
Zarama tasei alegazioak aurkezten jarraitzeko dei egiten du Getxo Biziak (2005 Ots 16)
Zarama tasa: %86ko igoera. Eroturik al daude? (2005 Urt 28)
Getxo Biziaren eskaerak berriro ere zakarrontzian (2004 Aza 26)
Ehunka herritarren alegazioak atzera bota eta behin betiko onartu dute zarama tasaren %86ko igoera
Getxoko Udal Gobernua osatzen duten zinegotzien (EAJ, EA eta EB-Berdeak) botoei esker onartu da behin betiko, gaurko osoko bilkuran, zaborra jaso, garraiatu eta tratatzeagatik ordaindu beharreko tasaren %86ko igoera. Beraz, 395 auzotarrek neurri horren aurka aurkeztutako alegazioak atzera bota dituzte. Eduardo Andrade Getxoko PPko zinegotziak gogor kritikatu du erabakia, aurtengo igoera nabarmena izateaz gain, 2004an ere tasa %30 igo zutelako. Ordezkari popularrarentzako Udalaren "handikeria eta kudeaketa eskasaren beste adibide bat" baino ez da neurria. Ildo horretan, "gainontzeko alderdiekin zein herritarrekin negoziaziorik egon ez" dela ez ezik, indarrean sartu eta hilabete batera onartzea ere gaitzetsi du Andradek. Bere aldetik, tasa aldaketa behin betiko onartzeko beharrezkoa izan den gehiengoa arbuiatu du Getxo Biziak, 25 hautetsi postutik 13 botu alde eta 10 aurka (PSE-EE eta PPkoak) alegia. "Aitor Lafuente Ezker Batuko kideak Getxo Bizia plataformako zerrenda buru izandako Pili Askorbebeitiari dagokion zinegotzi aulkia okupatuz lortu du bozketa aurrera ateratzea Udal Gobernuak", salatu du herri plataformak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun