Plentzia eta Bilbo artean metroen maiztasuna areagotzea eskatu du EB-Berdeakek
Bizkaiko Batzar Nagusietan arauz besteko proposamena aurkeztu du Martin Calvo EB-Berdeak taldeko bozeramaile-laguntzaileak, Bizkaiko hiriburua eta Plentzia arteko metroen maiztasuna areagotzea eska diezaiola Metro Bilbaori foru erakundeak. Calvok gogoratu duenez, ordu arruntean, zortzi-hamar minututan behin ibiltzen da aipatu garraioa Bilbo eta Larrabasterra artean. Larrabasterratik Plentziara, berriz, 18 eta 20 minutu artean behin. Ezker Batuako batzarkidearen ustez, "Bilbo, Sopela eta Plentzia artean metroan joaten diren Uribe Kostako bidaiarien kopuru handiari kalteak baino ez dakarzkio ordutegietan dagoen aldeak".
Metro Bilbaori maiztasunak areagotzeko eskatzea galdegiten dio foru erakundeari EB-Berdeakek, "horrela eskatzen ari diren bezeroei zerbitzu egokiagoa eman diezaieten".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun