Lehenago ere hamaika borroka eginak dira Euskal Presoak, dispertsioa salatzeko, kartzelako murrizketei aurre egiteko, iritzia plazaratzeko... Borroka dinamika iraunkor hau azken bi urteotako eztabaidaren emaitza da, itxialdien bidez hasiera eman dioguna.
Gure oinarrizko eskubideen errespetua (ikastekoa, euskaraz komunikatzekoa, osasun zaintza duina izatekoa, tratu txarrik ez jasotzekoa...). Euskal Herriratzea eta gure status politikoa aldarrikatzen ditugu. Zentzu eta modu horretan egingo diogu gure ekarpenik emankorrena Euskal Herriaren askapen prozesuari. Aldaketa politikoaz eta bakerako aukeraz hitzegiten den garaiotan, Presoon hitzak eta iritziak bere tokia izan behar du eztabaidan, bestela ez baita irtenbiderik izango. Historikoki, preso politiko bezala bereizi gaituzte Estatuek, baina onartu gabeko tratamendu berezi hori txarrerako erabili dute, eskubide oinarrizkoenak ere urratuz. Gatazka konpontze bidean jarriko bada, gure izaera politikoaren errekonozimendua modu positiboan izan dadin lortu behar dugu; status politikoa.
Esan bezala hasiera da hau. Euskal Herriak behin baino gehiagotan egin du Presoen eskubideen alde eta sentsibilitate hedatu hori berpiztea ezinbestekoa izango da bakea eraikitzeko. Gu geure ahalegina egiteko prest gaude eta egin egingo dugu. Izango du bakoitzak bere apurra emateko aukera.
Uribe Kostako Amnistiaren Aldeko Mugimenduak oihu@ agerkari elektronikoaren bitartez helarazitako gutuna