Emakumeen Nazioarteko Egunarekin bat eginez, tarta lehiaketa egingo dute, 18:00etatik aurrera, Sopelako Kultur Etxean. Sari banaketaz gain, dantzaldia ere egongo da. Hurrengo egunean, Galatea taldeak "Alas de luna" poesia eta musika emanaldia eskainiko du, 19:00etatik aurrera, toki berean. Ostegunerako, berriz, lehiaketa ugari daude antolatuta Kultur Etxeko areto nagusian, 18:00etan hasita: Poesia eta kontakizun laburren VII. edizioa, errezitazioa eta, azkenik, Pintura II. Txapelketa eta guzti horien sari-banaketa. Ikerne Goikoetxearen umorearekin ere gozatzeko aukera egongo da egun horretan.
Azkenik, asteari amaiera emateko, martxoaren 11an (ostirala), 18:30ean, filma ploiektatuko da hall kulturalean eta, larunbat horretan, Artxandako Euskal-Sena jatetxera abiatuko da, 14:30ean, autobusa Itzartu elkartearen urteroko bazkaria egiteko.